Lakers hnehtu Curry awmna GSW
Stephen Curry-a'n NBA champion a hre lo! Nimin zing inkhelah Curry hian point 26 neiin Golden State Warriors chu champion lai Los Angeles Lakers lakah 115-113 in hnehna a chanpui.
American star Curry hian hun tawp hma second 1:07 chauh a awm tawh tihin 3-points a nei a, Lakers thiampuipa LeBron James-a'n hamrik hnuhnung a rik rualin point thum neih tuma a shot chu a hlah thung.
Champion lai Lakers-in inkhel tir lam an thunun, quarter hmasa bera an inthlauh lai ber chuan point 16 zetin an sang fal hman. Mahse, Curry awmna Golden State an danglam a, zawi muanga pawtthla zelin a tawpah an chak.
Inkhel dangah pawh thawnthu inang tak a thleng. Kevin Durant chuan hun tawp dawna 3-points neiin Brooklyn Nets chu Milwaukee Bucks lakah 125-123 in hnehna a chanpui. Nets tan hian James Harden chuan point 34 neiin, a club thar tan a khel ṭha thei hle.
Nimin zing NBA Results
Golden State Warriors 115 - 113 Los Angeles Lakers
New York Knicks 91 - 84 Orlando Magic
Chicago Bulls 125 - 120 Houston Rockets
San Antonio Spurs 125 - 104 Portland Trail Blazers
Miami Heat 113 - 107 Detroit Pistons
Atlanta Hawks 108 - 97 Minnesota Timberwolves
Memphis Grizzlies 108 - 104 Phoenix Suns
Toronto Raptors 116 - 93 Dallas Mavericks