Chhinga Vengin squad puang

Nimin khan Chhinga Vengin I League second division khel tur squad an puang a, hming 24 tarlan zingah foreigner pahnih Ghanaian defender Godwin Quashiga leh Ukrainain forward Ronaque Bakshi bakah state pawn player Uttar Pradesh keeper Pranav Kotra te an awm.

Chhingcows hian an match hmasa ber khel turin Kolkata an thleng tawh a, January 14 hian New Barrackpore Rainbow AC nen Barasat Stadium-ah an inkhel dawn. Mizo club hian January 17-ah Jamshedpur Reserves an tlawh chhunzawm ang a. Aizawla an match hmasa ber chu January 25-ah an khel dawn a, RG Stadium-ah Kokata club ṭha Mohammedan Sporting Club an mikhual ang.