Australian Open khel tur Prajnesh

India tlangval tennis khel thiam Prajnesh Gunneswaran chuan Australian Open a khel dawn. Prajnesh hian qualifying third round-ah Japan tlangval Yosuke Watanuki chu 6-7 (7), 6-4, 6-4 a hnehin main draw a in vaw kai a ni.

World number 112 Prajnesh hian tun hmain Grand Slam tournament hi a la khel phak ngai lo, tun ṭum hi inelna lian a hmachhawnna hmasa ber tur niin a match hmasa ber atan France tlangval Tiafoe a hmachhawn ang.

India player dang Ramkumar Ramanathan leh Ankita Raina te pawhin qualifying hi second round thleng chu an paltlang thei. Mahse, nikim khan match khat chauh chak an mamawh tawh tihah an tlawm avangin an beiseina a thamral ta rih.