Match hnih khel lo tur Austin

Southampton striker Charlie Austin chuan Manchester City nen an inkhelh ṭumin fans lakah a che mawi lo tih a inpawm a, hei vang hian match hnih chhung inkhel thei lo tura hrem a ni. 

December 30-a team pahnih an intawn ṭum khan kum 29 mi hi minute 68-naah lakchhuah a ni a, St Mary's-a City fans lam hawiin kut zai zirin mawi lo takin a che - match hnih a khelh theih dawn loh phah ta. 

Austin hi zanin dar 8:30-a Leicester City an lenchilh hunah a inlan thei dawn lo tihna a ni a, FA Cup third round replay-ah Derby County a mikhual thei lo bawk ang.