Deeney tan thubuai siamsak

Football Association chuan Watford captain Troy Deeney chu referee chungchanga ṭawngkam mawi lo tak a hman avangin thubuai a siamsak a, January 15 thleng insawifiah turin hun an pe bawk. 

Tun thla tir khan Watford hi Bournemouth nen 3-3 in an inhnehtawk a, Deeney hian Bournemouth midfielder Dan Gosling chu Watford tana a khelhpui Tom Cleverley hliam luih tumah a puh a, mahse referee chuan boruak tih daih nan a hnawtchhuak lo ringawt niin a sawi. 

Deeney hian team tana a khelhpui Abdoulaye Doucoure pawh chhan chuang loin Ryan Fraser laka a foul avanga hnawhchhuah a ni lo chu a vanneih thu a sawi a, hetihrual hian Nathan Ake handball vanga penalty an phu thu a sawi bawk. 

Kum 30 mi striker chuan, "Thil thlen dan kha an hre vek a, keini pawhin kan hre vek. Mahse, referee khan hun tam zawkah a hai der a ni," tiin a sawi.