Chennai hnehtu Bengaluru pathumna

Premier Badminton League chu Ningani zan khan league round bik khelh zawh a ni a, Bengaluru Raptors chuan Chennai Smashers 3-2 a hnehin table-ah pathumna dinhmun an luah.

Chennai lam hian an match hnuhnung berah hian 5-0 in hnehna chang sela chuan palina dinhmun an la luah thei. Mahse, an beisei ang result an neih theih loh avangin parukna ni chungin season an khar.

PBL-ah hian team pakua inlanin an inkhelh kual hnuah a sang pali ten semifinal an lut. Nizan khan hmahruaitu Awadhe Warriors leh pathumna Bengaluru Raptors ten semifinal an khel zui leh nghal; zanin hian pahnihna Hyderabad Hunters leh Mumbai Rockets ten final leh an in chuh zui leh bawk ang.