India dinhmun la chiang lo
Australia-a test series an lak hnuah India cricket team chuan tukin zing dar 7:50 hian Australia nena ODI series match thum an khelh tura match hmasa ber an khel dawn a, he thu buatsaih a nih lai hian Hardik Pandya leh KL Rahul dinhmun tur a la chiang lo.
Indian cricketer pahnih hian TV show-ah hmeichhe chungchang an sawinaah sawisel theih takin ṭawngkam an nei a, hei hian ram chhungah sawiselna nasa tak tawkin BCCI pawhin a hrem ngei rin a ni a, vawiin inkhelah hian an inlan loh a beiseiawm mah zawk ang.
India hian twenty20 international series-ah Australia hi 1-1 a an inhnehtawkpui hnuin test series-ah 2-1 in an hneh zui a, Australia muala test series an lak hmasak ber niin Asian team zinga ti thei hmasa ber an ni bawk.
Mahse, team boruak ṭhat vanglai takin Hardik Pandya leh KL Rahul buaina hian a nangching ta a ni.
India squad
Virat Kohli (Captain), Rohit Sharma (vice-captain), KL Rahul, Shikhar Dhawan, Ambati Rayudu, Dinesh Karthik, Kedar Jadhav, MS Dhoni (wk), Hardik Pandya, Kuldeep Yadav, Yuzvendra Chahal, Ravindra Jadeja, Mohammed Siraj, Khaleel Ahmed and Mohammed Shami.