Klopp-a'n Origi chelh a duh

Liverpool boss Jurgen Klopp chuan a striker chhuak mai tur anga sawi Divock Origi chu chelh a duh niin khawthlang media te chuan an tarlang a, tun dinhmuna a lan dan chuan season tawp thleng tal chu Reds tan hian a la khel rih dawn niin a lang. 

Premier League hmahruaitu hian Dominic Solanke chu Bournemouth hnenah pound maktaduai 19-in an hralh tawh a, tlarhmaa Roberto Firmino leh Mohamed Salah thachhang dawl tur an neih chu Origi leh Daniel Sturridge chiah an ni rih.

Liverpool hian Origi hi pound maktaduai 20 aia tlawm chuan hralh an tum dawn lo nia sawi a awm a, Reds tana match 81 a khelha goal 23 khungtu striker hi Wolves, West Ham leh Fulham ten an duh niin an sawi. 

A vawi khat nana Premier League nomawi chawi tum Liverpool hian zanin dar 8:30-ah Brighton & Hove Albion chu league match an khelhpui dawn a, Manchester City laka an tlawm hnua an league match hmasa ber tur a nih avangin ngaihven a hlawh lehzual ang.