Eden Garden khat an pungkhawm dawn - Ganguly

Board of Control for Cricket in India (BCCI) president Sourav Ganguly chuan India leh Bangladesh ten November 22-26 a second Test match an khelh hunah Eden Gardens a khah tur tur thu a sawi.

Ganguly chuan, "Indian cricketer ropui tak tak te hi stadium ruakah an khel tur a ni lo. Eden Gardens chuan a ti hnual lo ang. Ni thum chhung chu stadium khat kan hmu dawn," tiin Test match ni mah se en tur an tam tur thu a sawi a, India captain Virat Kohli pawh a lawm ngei a rin thu a sawi.

India hian Bangladesh an hmachhawn hmain South Africa nen an inkhel a, Test match-ah entu an tam lo. Ganguly chuan, "Test cricket hi tih nun thar a ngai. Khawvel hmun dangah pawh a ni vek a, bul ṭantu an awm a ngai. India leh Pakistan inkhel tur chu ni se eng stadium-ah pawh awlsam takin a khat thei ang," tiin a sawi a, ruahmanna ṭha a pawimawh thu a sawi. India hian Bangladesh hi first Test-ah inning khat leh run 130 in an hneh a, second Test hi tun Inrinni aṭanga khelh ṭan tur a ni.