An ramah Cheuk Yiu a champion
Badminton inelna Hong Kong Open-ah tualchhung tlangval Lee Cheuk Yiu a champion. Pathiannia final inkhel hmuhnawm takah Lee hian Indonesia tlangval Anthony Ginting chu 16-21, 21-10, 22-20 in a hneh a, nomawi lian tham a chawina hmasa ber a ni.
Kum 23 mi Lee chuan, "Engtik niah emaw chuan tun ang hun hi ka la tawng ve ang tih ka ngaihtuah ṭhin, title lak harsat zia ka hriat chian hnuah ka champion ve chauh a, a hlu zual hle," tiin a sawi. Hmeichhe singles lamah Chen Yufei chuan world champion hlui Ratchanok Intanon lakah 21-18, 13-21, 21-13 a hnehna changin a champion ve bawk.
Hong Kong khawpuia inelnaah hian Indian player zingah Kidambi Srikanth chu a thleng sang ber a ni a, world number 1 hlui hi semifinal thleng zo loin Lee lakah hian 9-21, 23-25 in a chak lo a ni.
2019 Hong Kong Open
Men's Singles
Lee Cheuk Yiu
Women's Singles
Chen Yufei
Men's Doubles
Choi Sol-gyu
Seo Seung-jae
Women's Doubles
Chen Qingchen
Jia Yifan
Mixed Doubles
Yuta Watanabe
Arisa Higashino