AFC Award dawng thei zingah Ashalata

Asian Football Confe-deration (AFC)  chuan kum tina an semchhuah ṭhin AFC Awards dawng thei tur hming a chhawp chhuak a, AFC Player of the Year (hmeichhia) dawng thei tur zingah India captain Ashalata Devi a tel!

Kum 26 mi Manipur defender hi French club Lyon midfielder Saki Kumagai (Japan) leh Chinese Super League club Shandong Ladies tana khel mek Li Ying (China) nen award ngaihhlut dawng tur hian chhawpchhuah an ni a, anni kianga a lang tel ringawt pawh hi chawimawina a tling. 

AFC President Recog-nition Awards for Grassroots Football (Developing) chawimawina dawng thei turin All India Football Federation an lang bawk a, Singapore leh Hong Kong nen an in el ang. Awards hi December 2-ah semchhuah a ni dawn a, Hong Kong Convention and Exhibition Centre-ah neih tur a ni.