Mizoram an chak lo

Syed Mushtaq Ali Trophy khelh laiah Mizoram cricket team chuan hneh an nei lo, an match hnuhnung ber chu Pathianni khan khelin Meghalaya chu run 25-in an ngam lo a ni.

Wankhede Stadium, Mumbai-a inkhelah Mizoram hi ṭum vawrah vannei zawkin vawm hmasak an thlang. Meghalaya lamin over 20 chhunga run 207 siamin mi pali an thi a, target sang tawk tak an siamsak. Mizoram tan Taruwar Kohli-a'n ball 59 aṭangin run 90 zet a vaw chhuak a, KB Pawan (72 runs) te che ṭha mah se thlawptu an nei ṭha tawk lo. Lalhmangaiha'n run 15 a siam bakah Lalhruaizela chuan run khat a siam ve bawk a ni.

Group D aṭangin Mumbai leh Haryana ten Super League an khel dawn a, an group-a team pariat awm zingah Mizoram chiah hian hneh an nei lo.