National School Games boxing an ṭan

Nimin khan 65th National School Games 2019, Boxing Under 17 Boys chu R. Dengṭhuama Hall, Mualpuiah ṭan a ni a, education minister Lalchhandama'n a hawng.

Inelna hi weight category 13-ah ṭhen a ni a, weight category hniam ber chu 46 Kgs niin weight category sang ber chu 80 kgs a ni thung. Boxing puala School Games-ah hian state hrang hrang, Union territory bakah Council for the Indian School Certificate Examination, CBSE Welfare Organisation, DAV College Managing Commitee, IPSC, Kendrya Vidalaya Sagathan, Novdya Vidlaya Samiti, Vidya Bharti  aṭangin boxer an fuan khawm.

School Games-ah hian boxer 413 leh officials 73 an inziak lut  a, category zawng zawng tel kim thei hi state/school 19 an awm a. Inelna thlengtu Mizoram hi category pakuaah an tel thung. Nimin inelna ṭan niah hian bout (inhnek) 200 bawr vel awm tura sawi a ni a, Mizoram enkawltute chuan medal an beisei thu an sawi.