India taekwondo team-ah Mizo pathum

December 1-3 chhung hian 13th South Asian Games (Taekwondo) chu Katmandu & Pokhara, Nepal-ah neih a ni dawn a, he hunah hian India aiawh turin Mizo player pathum an feh chhuak ang.

India team-ah hian Lalthlamuanpuia, Venghlui; Daniel Lalhumthanga, Chhinga Veng leh Lalfakzuala, Hlimen te an inlan dawn a ni. Ram aiawh tur hian November 18-19 chhung khan Aurangabadah-ah trial neih a ni a, ram chhung player ṭha zual koh khawm an inel.

India aiawh turte hi kyorugi leh poomsae category hrang hrang niin an vaiin mi 43 thlan an ni a. Aurangabad SAI centre-ah camp an nei nghal dawn a, heta ṭang hian inelna neihna tur hmun an pan ang.