Trau leh Chennai City inhnehtawk

Pathianni zan khan Trau-in Chennai City an mikhual a, goal awm loin an inhnehtawk. I League kai thar Trau hian match 13-ah point 16 hmuin palinaah an awm a, Chennai City-in match 12-ah point 15 an hmu ve bawk.

Tun season I League-ah Mohun Bagan an che ṭha fal a, match 12-ah point 29 an hmuh tawh avangin champion turin an dinhmun a ṭha tawh hle. Aizawl FC erawh an match hnuhnung bera Churchill Brothers an hneh loh avangin point 14 hmuin pariatnaah an awm mek.

Nizan khan Indian Arrows leh East Bengal an inkhel a, result kan hre hman lo. Kolkata club hian hnehna an chang a nih chuan khelh zat inangah Mizo club chungah an awm thei ang.