National School Games-ah Mizoram che ṭha

65th National School Games 2019 U -17 Boys chu R. Dengṭhuama Hall-ah khelh chhunzawm zel a ni a, Mizoram aiawh boxer tel pakua te an match hmasa berah an chak vek. 

Nimin khan hriat theih chinah Franky H. Vanlalruatpuia (46 kgs), Zorammuana (48 kgs),  Laldinsanga (50kg) , Lalrinngheta (52 kg), Lalnunzira (60 Kgs), Vanlalruatpuia (63kg) leh C. Lalhruaitluanga (69 kg) ten quarterfinal an lut a, boxer dang pali Lalnunhlima (54kg) leh Lallawmawma (57kg) te dinhmun kan hre hman lo.

Nizan khan quarterfinal khelh zui a ni a, vawiin hian semifinal khelh chhunzawm a ni ang. Mizoram coach Sete-a chuan, "Tun dinhmunah chuan kan khelh dan a lungawi thlak hle. Inelna ṭan hma ang tawhin medal kan lak ngei kan la ring a, kan naute hi kan ringtawk hle a ni" tiin Vanglaini a hrilh.