Maradona-a'n hna bansan

Diego Maradona chuan Argentinian Superliga club Gimnasia enkawl hna a thawh chu a bansan a, an ram club hi thla thum bak a enkawl hman lo tihna a ni.

Gimnasia president Gabriel Pellegrino chuan, "Maradona chu Gimnasia coach a ni tawh lo," a ti. Argentina legend kaihhruaina hnuaiah hian match riat an khelhah vawi thum hnehna an chang. Player a nih laiin ropui mahse Maradona hi team enkawl lamah chuan a hlawhtling lem lo, an ram team bakah tun hnai khan Mexican second division club Dorados de Sinaloa te lo enkawl tawh mah se hnuhma ropui a nei lo a ni.