MPL Qualifier Fixtures tidanglam

Mizoram Premier League Board chuan MPL9 Qualifier khelh dan tur chu Project Veng FC, Kolasib an remchan loh thut avangin a tidanglam.

Kolasib District Football Association aṭanga rawtna (nomination) dawn angin Project Veng FC hi MPL Qualifier khel tur zingah an tel a; nimahsela Kolasib-a MLA Cup khelh mek avangin an player-te an remchang thei dâwn ta lo a, MPL Board-ah an harsatna tawh avanga inhnuhdawh an dil leh ta zawk a ni.

Hei vang hian  Kanan FC, Aizawl DFA leh  FC Bethlehem, Aizawl DFA-te chuan November 23&28-ah MPL Qualifier hi an khel ang. Team pahnih hi vawi hnih an inkhel ang a, inkhel pahnih belh khawma a chak zawkin MPL9 an khel ang. Vawi hnih inkhelh zawhah chak zawk an awm lo a nih chuan penalty shootout-in chak zawk zawn tur a ni.

MPL Qualifier-a pahnihna leh MPL8 khelh meka pasarihnate'n MPL Playoff khel chhunzawmin chu inkhela a chak zawk chuan MPL9 an khel ve bawk ang.