Rooney-a enkawl Derby chak

Derby County-in Inrinni zan khan Millwall 1-0 in an hneh a, manager lailawk Wayne Rooney kaihhruaina hnuaia an chakna hmasa ber a ni.

Rams hian Rooney an rawih hnuah Wycombe leh Coventry nen 1-1 in an inhnehtawk a, tun ṭuma chak hmel an hmuh tak avangin table mawngphah chhuahsanin 23-naah 

an awm.

Millwall leh Derby inkhelh ṭum hian entu 2000 an awm a, inkhelh hmaa chi leh chi inthliarna dona atana player an ṭhingṭhit laiin inkhel entute hian an duh lo tih lantir nan thawm an nei.

Rooney chuan, "Mipui chet dan hriatthiam a har a hle," tiin Millwall ṭantute dem. Coventry leh Aston Villa player hlui Dion Dublin chuan loan hmanga a khelh tawhna club Millwall ṭantute chet dan a dem thu a sawi chhuak bawk.