Dortmund tan Gio Reyna

Borussia Dortmund-in Inrinni zan khan Eintracht Frankfurt an tlawh a, 1-1 in an inhnehtawk. 

Frankfurt tan hian Daichi Kamada-a'n minute kuanaah a khung a, Dortmund tan Giovanni Reyna-a'n minute 56-naah siphurh a sut.

Dortmund-in inkhel an thunun a, ball possession 58% hial neiin goal chance pawh ngah zawk mah se striker rinrawl Erling Haaland awm loh a lang.

American rawlthar duhawm Gio Reyna-a'n goal ṭha zet a khung zarah point khat hlu tak an hlawhchhuak hram. Kum 18 mi Reyna hi Sunderland leh Manchester City tana khel ṭhin Claudio Reyna fapa a ni a, a pianna hmun pawh Sunderland, England a ni.

Inrinni zan hian American player-te an che ṭha hle. Dortmund tana Reyna-a'n a khung bakah Chelsea tan Christian Pulisic-a'n a pet goal.

American midfielder Weston McKennie-a'n Juventus tana a goal hmasa ber a khung a, Turin club-in Torino 2-1 in an hneh phah a ni.