Harden a chhuak lo ang - Silas

Houston Rockets head coach chuan a player duhlai leh neih ṭhat ni bawk James Harden chu a chhuah loh tur thu a sawi. Harden hi tun hnaiah club thar a nei dawn nia sawi thawm a awm a, a dinhmun a chiang lo mek.

Silas chuan, "Harden hi a chhuah ka ring lo, club thuneitu bakah amah ngei pawh ka be tawh. Court chhungah eng anga chet nge a duh a, a hmathlir te pawh kan sawi dun. Season thar hi a bul kan ṭan ho ngei ka beisei," a ti.

Rockets hian season hmasa lama an chhawr tawh Washington Wizards point guard Russell Westbrook an lalut nghet dawn a, an player John Wall chu Wizards lamah a kal thung ang. Westbrook an neih tur hian Harden dinhmun a sawi nghing a ngai an tam.

Kum 31 mi Harden hian Rockets tana NBA season riat a hmang zo tawh a, tun hnai season hnuhnung pathumah chuan point nei hnem ber a ni vek. Season hmasa khan chawhrualin match tin 34.3 point a nei phak.