A vawi thum nan Marquez an zai

MotoGP champion vawi ruk ni tawh Marc Marquez a ban a dam chiang hleithei lo a, a vawi thum nan zai a ni. Repsol Honda team chuan an rider duhlai hi damdawi inah enkawl a nih thu an tarlang.

Spanish tlangval hi season hawnna Jerez tlankawngah a chesual a, a ban ruh dinglam a tliak. Zai a ni a, kar khat pawh a liam hmain intlansiak leh thei tura beisei a ni hman hial.

Mahse, an ina tukverh a hawnna lamah a ban a ti na leh a, an zai nawn. Season tluana a intlansiak theih loh hnuah tun hnai khan zai ngaiin a awm leh a, ngaihtuahawm ni hran lo mah se a harsatna hian a kiansan rih lo.

Honda chuan an rider hi eng tianga rei nge a chawlh a ngaih dawn tih an sawi lo. Bike intlansiakna sang ber season thar hi nakkum March 28 hian Qatar-ah neih a ni dawn, a dam hman ngei beisei a ni.