Chhaih nawmnah vangin Marega a chhuak tau

Porto forward Moussa Marega chu Vitoria Guimaraes fans lamin midum anih vangin an chhaih nawmnah a, fans lam chet dana a lungawi loh vangin inkhelh laklawh laiin khelmual a chhuahsan!

Pathianni zan khan kum 28 mi Marega hian goal khungin Porto hi 2-1 in hnehna a chanpui. Mahse, goal a khung hnuah thil duhawm lo hi a thleng, fans chu a kut hmangin zaizirin a chhanglet a, a teammate leh lehlam player ten chelh tum mah se a chhuak lui a, thlak a ngai.

Marega hian instagram lamah thu ziak zuiin, amah tih eltute chu "Mimawl" tiin a sawi zui. Porto boss Sergio Conceicao chuan, "Khawi ram mi pawh ni se a pawina a awm lo, vun leh sam rawng a danglam a ni thei, mihring vek kan ni.

"Tun ṭuma thil thleng hi a pawi takzet. Fans tam zawk khan khatiang thil thlentir kha an duh bik lo, mi tam tak zingah che mawi lo tam vak lo an lo awm hian thil a ti lang mawi lo thei ṭhin," tiin a sawi.