St Petersburg title humhimtu Bertens

Pathianni zan khan Kiki Bertens chuan a khingpui Elena Rybakina chu 6-1, 6-3 a hnehin Saint Petersburg nomawi a chawi a, season hmasa khan he hmunah hian a champion tawh avangin a title kawl lai humhim thei hmasa ber a ni.

Seeded pahnihna Bertens hian hnehna chang turin darkar khat leh minute 14 chhung hun a hmang, Netherlands nula hian WTA title 10 a lak tlinna tur hian a khingpui service vawi li a chhuhsak a, a service erawh a hum vek thung.

World number 8 Bertens hi tunkar chhunga khelh tur Dubai Tennis Championships-ah inlan tura tih a ni. Mahse, St Petersburg lama a thlen san tak avang hian Dubai lam aṭangin a inhnukdawk, a khingpui tur Kim Clijsters chu inkhel hah loin a tlang.

Bertens chuan, "Eng inkhel pawh ni se awlsam tak a ni dawn lo tih hi chu ka hre sa, tun ṭumah pawh khan theihtawp takmeuh ka chhuah. Match tawp lamah kha chuan ka hlauthawng ve hman hle, mahse a hmawr ka bawk fel thei kha a lawmawm lai chu a ni," tiin 

a sawi.