Zan dar 7:00-ah Relegation Battle

Mizoram Premier League aṭanga semifinal lut tur hriatthiam a har ang chiahin tla tur pawh hriat a awlai lo. I Day Football final thlen vanga semifinal lut thei tur hiala dah FC Venghnuai chu tla thei dinhmunah an ding leh tawh.

Zanin dar 7:00 hian MPL kaithar FC Venghnuai hian table mawngphaha awm Chawnpui FC an hmachhawn dawn a, table thlak danglam theihna inkhel a ni ang. Coach thar Laldinthara hnuaia indinthar mek Chawnpui leh FC Venghnuai inthlauhna hi point thum chauh a ni a, Chawnpui hi an chak a nih chuan head to head hmangin dah san zawk tur a ni.

Nizan khan tla thei zinga mi Ramhlun North chuan Mizoram Police an hmachawn a, he inkhel result hian zanin inkhel turah nghawng a nei dawn. Venghnuai leh Chawnpui te hi an intawn hmasak ṭumin an inhnehtawk a, MPL kaithar an lawm lo. Tunah erawh Rindika Hmar hote hi point an hmuh hrim hrimin an hlim tawh ang.