Kum li atan Martin an hrem

American boxer Ryan Martin chu Josh Taylor nen an inhnek hnuah intihchakna damdawi a lo hman avangin hrem a ni a, kum li chhung inhnek thei lo turin a chungthu rel a ni. 

Kum 26 mi boxer hian November 3 khan Scottish boxer Taylor chu Glasgow khawpuiah a hmachhawn a, technical knockout hmangin a tlawm zui. WBC Silver super lightweight title inchuhna inhnek zawh hnuah Martin hian damdawi hman phal loh a lo hmang tih hmuhchhuah a ni a, a insawifiahnaah chuan a thil ei zingah heng intih chakna hi a lo tel niin a sawi. 

UK Anti-Doping chuan Martin-a hremna hi an inhnek ni November 3 aṭanga chhiar ṭan a nih tur thu a sawi a, Taylor laka a tlawm hi vawi 23 inhnek a hmachhawna a vawi khat tlawmna a ni. Martin-a ngam loh Taylor hian thla  hmasa khan  IBF, WBA leh Ring Magazine world super-lightweight title chu London khawpuiah Regis Prograis hnehin a hlawh chhuak.