Dutch league-ah an ṭhianpa thlawp nan footballer

Netherlands rama footballer-te chuan vun rawng vanga hmuhsit tawk an ṭhianpa Ahmad Mendes Moreira thlawp nan tun kar tawpa league match khelh tura minute hmasa ber chu an khel dawn lo. 

Pathianni khan Dutch football-a second division Eerste Divisie inelnaah Ahmad-a khelhna Excelsior leh Den Bosch te chu inkhelin 3-3 in an inhnehtawk a, Bosch fan-te hian kum 24 mi forward chu a vun rawng vangin an lo tih el - referee chuan inkhel a tih tawp lailawk a ngai hial. 

Netherlands-a player tam takin thil thleng an hrethiam lo a, an ṭhianpa an thlawp tih lantir nan league sang ber Eredivisie leh Eerste Divisie-a player te chuan kartawp match-a minute hmasa ber chu an khel dawn lo. Ruahman ang chuan scoreboard-ah, "Chi inthliarna maw? Kan inkhel lo mai ang," tih chu tarlan a ni dawn a, first half injury time zawhah minute hmasa ber khelh loh ai hi extra time pek a ni ang. Den Bosch hian Moreira hian fan-te au elna chu a hresual nia an hriat thu an lo sawi tawh a, a hnuah ngaihdam dilna an ti chhuak leh thung.