England-in South Africa an hneh

Pathianni khan England chuan South Africa wicket ngain an hneh a, T20 series 2-1 in an la.

Proteas hian match hmasa berah run khatin hnehna an chang a, match hnihnaah England run hnihin an chak. Match tawp berah pawh team pahnih an inhnehtawk a, South Africa target siam 222 chu ball nga a la awmin England-in an umpha.

SuperSport Park Cricket Stadium, Centurion-ah South Africa-in bat hmasak an thlang a, opener pahnih Temba Bavuma (49) leh Quiton de Kock (35) ten bul an ṭan ṭha a, Heinrich Klassen (66) leh David Miller (35*) ten an thlawp ṭha bawk. Mualneitu hian run 222/6 an siam a, T20-ah chakpui tham a tling.

Amaherawhchu, England-in batsman an neih ṭhatzia pholanna hun atan an hmang. Jos Buttler (57) leh Jonny Bairtsow (64) ten England beiseina an siam a, captain Eoin Morgan-a'n thi loin ball 22 lekah run 57 a siam. England hian ball nga a la awmin run 226/5 an siam a, hnehna an chang.

South Africa captain Faf du Plessis-a'n hnehna an chan zawh loh hnuin Test leh T20-ah team tana ṭha zawk turah ngaiin captain hna a chawlhsan thu a puang.