Boxing referee leh judge thlak vek dawn

Rio 2016 boxing competition-a an hman referee leh judge zawng zawng, an vaiin mi 36 chu Tokyo Olympic 2020-ah hman nawn an ni dawn lo.

International Olympic Committee chuan endiktu lam an thlak tur thu hi an tichiang tawh a, Brazil khawpuia inelnaah khan thutlukna dik tawk lo leh sawisel theih tur thil tam tak a thlen avangin referee leh judge hi hman nawn tlakah an ngai lo a ni.

Nakkum Olympic-ah chuan International Boxing Association (AIBA) certified officials aṭangin a tling leh tlak thlan an ni dawn. Inelnaah hian infiammite dah pawimawh ber an ni dawn a, inelna hi lang tlang leh lai taka kaihhruai a ni ang.

IOC Boxing Task Force hotupa Morinari Watanabe chuan, “IOC Boxing Task Force in a thil tum chu inelna dik leh falfai taka kalpui a ni a, dan leh hrai kan neih sa bakah langtlang zawka thil kalpui theih a nih nan ennawn ngai lai pawh ennawn a ni ang,” a ti.