Salah leh Robertson dinhmun a chiang lo

Premier League hmahruaitu Liverpool chuan zanin dar 8:30 hian league match khel turin Crystal Palace an lenchilh dawn a, Mohamed Salah leh Andrew Robertson te dinhmun a chiang lo. 

Salah hi Manchester City laka 3-1 a an chak ṭumin hliam vanga lakchhuah a ngai a, African Cup of Nations qualifying games-a Kenya leh Comoros hmachhawn tur Egypt squad aṭangin a inhnukdawk hial. 

Robertson hi interna-tional break lai khan Euro qualifier khel Scotland squad aṭangin a inhnukdawk ve bawk a, he thu buatsaih a nih thleng hian player pahnih dinhmun a la chiang lo. Joel Matip chu khup hliam vanga a inlan theih a la rinawm loh bawk. 

Hetihlai hian Liverpool chuan an stadium zauh turin hma an la ṭan a, tun dinhmuna mipui 54,074 lenna stadium hi mi 60,000 lenna tura siam an tum.Reds hian an stadium zauh tur chungchangah November 29, December 2 &3-ah hian inrawn khawmna hun an siam dawn a, he hun hi Anfield chhehvela cheng, sumdawnna leh fan-ten an ngaihdan leh an duhdan an thawh ve theih nana ruahman a ni. 

Liverpool hian Premier League-a match 12 an khelh aṭangin point 34 an nei tawh a, Manchester United an inhnehtawkpui tih loh chu point hloh an la nei lo.