Irving-a'n training a zawm

Thawhlehni khan Kyrie Irving chuan Brooklyn Nets training a zawm leh tawh a, coach Steve Nash chuan a hma thei ang berin a player chu a inkhelh leh thuai a beisei thu a sawi.

Irving hian tun hnai match sarih a khel lo a, match nga chu team zingah a awm lo - match hnih chu inkhel tura a inpeih tawk loh vang a ni. A inkhelh loh chhan hi chhungkaw thil leh rilru lam harsatna a neih vang niin a lo sawi tawh.

Kum 28 mi Irving chuan, "Ka training leh ta hi ka lawm, player ṭha leh ropui tak tak kianga khelh ka chak tawh. Chhungkua leh mimal harsatna a thleng a, boruak ṭha lo kalsan ka duh tawh," tiin a mimal nun chungchang a sawi.

Nets hian season hmasa khan Kevin Durant an la a, mahse hliam vangin an chhawr lo. Tun season-ah Durant a inkhel thei tawh a, player ṭha James Harden an la tawh bawk, tunah Irving a dam leh tak avangin team ṭha ber zingah an invawrh a rinawm.