Iannone a la beidawng lo

MotoGP rider Andrea Iannone chuan bike intlansiakna sang ber a la hmachhawn leh theih a beisei, Italian rider hi damdawi hman phal loh a hman avangin 2023 December 17 thleng atan an hrem mek.

Iannone hian hrem a nihna hi infiamna lama thubuai ngaihtuahtu sang ber Court of Arbitration for Sport hnenah a thlen a, mahse CAS hian tih nepsak loin hrem a nihna hi a kaltlang pui.

Hremna a hman zawh meuh chuan Iannone hi kum 34 mi a ni tawh dawn, season li ngawt a chawlh dawn avangin atan inelna hmachhawn leh pawh ni se harsatna tak tam a awm theih tawh dawn niin a lang.

Ducati, Suzuki leh Aprilia rider ni tawh Iannone chuan, "MotoGP atan hian ka la beidawng lo, engtik niah emaw chuan hun ṭha a la inher chhuak ve leh mai ang, chumi niah chuan ka thiamthu pawh ka la sawi ve ang," tiin a sawi.