Lille hnehtu Marseille

Marseille chuan Pathianni zan khan Lille 2-1 a hnehin Ligue 1 hmahruaitu Paris St Germain an um ve zel a, hmahruaitu an phak lohna chu point 10 a ni.

Mualneitu Lille lamin second half-ah Victor Osimhen hmangin goal khung hmasa mah se Marseille lamin Reinildo Mandava leh Dario Benedetto te hmangin an chhang let.

Inkhel dangah Lyon an che fuh hlei thei lo, an mikhual Strasbourg nen 1-1 in an inhnehtawk; pathumna ni lai Rennes pawh Stade Reims lakah 1-0 in an tlawm ve bawk.