Kohli hoten Bangladesh an sawp

Eden Gardens, Kolkata-ah India chuan nimin tlai khan Bangladesh chu innings khat leh run 46-in an sawp a, series 2-0 in an la. BCCI president thar Sourav Ganguly-a'n chhun leh zana Test match inkhelin ngaihven a hlawh tur thu a sawi chu a dikna a lang a, November 22-a second Test khelh ṭan a nih aṭangin stadium a khat nghal.

Bangladesh hian bat hmasak an thlang a, amaherawhchu Ishant Sharma (22/5) leh Umesh Yadav (29/3) te lakah an mualpho. Mikhual team tana run siam tam ber Shadman Islam pawhin run 29 chauh siamin run 106 an siam tihin an thi vek.

India bat hun a thleng a, Virat Kohli-a'n run 136 vaw chhuakin century a siam. India batsman dang Cheteshwar Pujara (55) leh  Ajinkya Rahane (51) te pawhin captain hi an thlawp ṭha a, India hian run 347/9 an siam tihin an duhtawk.

Kohli hian captain ni chunga Test century vawi 41 a siamna chiah a ni a, Australia captain hlui Ricky Ponting-a record a nih rual. India captain Kohli ropuina erawh Ponting-a'n century 41 siam tura match 324 leh innings 376 a mamawh laiin Kohli erawhin match 160 leh innings 188 chiah a mamawh thung.

Bangladesh hian second innings-ah pawh India bowler pahnih Umesh Yadav (53/5) leh Ishant Sharma (56/4) te an ngam chuang lo a, run 195 chauh siamin nimin tlai khan an thi zo. Men in Blue hian an thunun hneh em avangin zan nga khelh theih turah zan hnih chuah khelh a ni a, Kohli leh a hote an chak awlsam hle.

India bt Bangladesh

India hi innings khat leh run 46-in 

an chak

Toss: Ṭhumvawrah Bangladesh 

an chak a, vuak hmasak an thlang. 

Venue: Eden Gardens, Kolkata

First Innings

Bangladesh : 106 all out (30.3)

Shadman Islam    29 (52)

Liton Das    24 (27)

Ishant Sharma    22/5

Umesh Yadav    29/3

India : 347/9dec (89.4)

Virat Kohli    136 (194)

Cheteshwar Pujara    55 (105)

Ajinkya Rahane    51 (69)

Al-Amin Hossain    85/3

Ebadat Hossain    91/3

Second Innings

Bangladesh : 195/9 (41.1 overs)

Mushfiqur Rahim    74 (96)

Mahmudullah    39 (41)

Umesh Yadav    53/5

Ishant Sharma    56/4