Lakshya Sen a ropui zel

India rawlthar badminton khel thiam Lakshya Sen chuan tun hnai thla thum chhunga a palina turin title a la leh ta. Pathianni zan khan Scottish Open final-ah Ygor Coelho hnehin a champion.

Seeded pakhatna Lakshya hian minute 56 chhungin a khingpui Brazilian tlangval hi 18-21, 21-18, 21-19 in a hneh. Tunkar chhunga khelh tur Syed Modi International Super 300 tournament-ah a inlan chhunzawm leh nghal ang.

Kum 18 mi chauh la ni mah se Lakshya hi tun hnaiah a khel a puitling thei hle. September thla hnu lamah chauh pawh - SaarLorLux Open, Dutch Open, Belgian International leh Scottish Open-ah te hlawhtlinna a chang ta a ni.