Muaythai-ah Mizoram champion

Senior National Muaythai Championship 2019 neih zawh takah Mizoram an champion. Mizoram hian gold medal 10 bakah silver leh bronze medal pakhat ve ve an dawng a ni.

Ballalbagh Sports Complex, Mangalore-a inelna neihah hian state 27 aṭangin infiammi 354 an fuankhawm a, Mizoram aṭang hian player 15 leh official pahnih an tel. Mizoram hnungah hian gold medal paruk latu Karnataka leh Kerala (gold medal 5) te an awm bawk.

Mizoram Muaythai Association president Brian Lalnunhlima chuan, "Kan nauten theihtawp an chhuah a, tun dinhmunah chuan kan thlen chin hi a lungawi thlak hle. Mizoram tana theihtawp chhuahtu kan player zawng zawngte kan chhuang takzet," tiin Vanglaini a hrilh.