Aijal Club Open Snooker an ṭan

Mizoram Snooker and Billiards Association (MSBA) buatsaih The Aijal Club Open Snooker Championship chu nimin khan khelh ṭan a ni a, November 30-ah final khelh a ni ang.

Inelnaah hian national champion ni tawh leh national player ni tawhte an awm nuk a; Sandeep Gulati, Himanshu Jain, Nitesh leh Manish te chu player langsar an ni. Ṭhenawm state Nagaland aṭangin Vezoto Nukhu, Kihevi Zhimo, Bohoto Chishi leh John Calvin bakah Assam aṭangin Abhinav te an rawn tel bawk.

The Aijal Club Open Snooker Championship-ah hian champion lai chu Mizo tlangval Lalrina Renthlei a ni a, tun ṭum inelna hi national player ṭha laka Mizo theihna fiahna hun a ni thei ang. Aijal club sponsor inelnaah hian pakhatna hian Rs 75,000 a hum haw thei dawn a, pahnihna tan Rs 35,000 awmin semifinalist tan Rs 15,000 dah a ni bawk.