James leh Lakers an sang zel

LeBron James chuan Los Angeles Lakers tan hna ropui a thawk chhunzawm zel a, nimin zing khan a team hi San Antonio Spurs lakah 114-104 in hnehna a chanpui.

Lakers tan hian James-a'n point 33 a neih bakah assist vawi 14 a nei leh, ani bakah hian Anthony Davis chuan double-double nei turin point 19 a neih bakah assist vawi 12 a nei bawk. NBA regular season match 17 khelh tawhah Lakers hian vawi 15 hnehna an chang a, Western Conference lamah table hmahruaitu an ni chhunzawm - Ningani zing dar 8:00 hian New Orleans Pelicans nen an inhmachhawn leh ang.

Nimin zing inkhel dangah Giannis Antetokounmpo chuan Milwaukee Bucks tan point 50 ngawt a nei leh a, rebound vawi 14 la bawkin Utah Jazz 122-118 in an hneh. Bucks hi Eastern Conference lam hmahruaitu an ni thung a, match 14 chak tawhin vawi thum an chak lo thung. Ningani zing dar 6:30-ah Atalanta Hawks nen an inhmachhawn leh ang.