Champion lai Zarkawt an chak lo

Tualchhung tennis inelna lian 2nd Aijal Club Tennis Challenger League khelh laiah champion lai Zarkawt Xenons chu an match hmasa berah an chak lo.

Thawhlehni zan Aizawl Tennis Club-a inkhelah Xenons hi team thar Chanmari Slammers lakah 33-17 ngawtin an tlawm a, vawiin tlai hian match hmasa bera Bethlehem Vengthlang hneh tawhtu Ngopa Warriors nen an inhmachhawn leh ang.

Tennis league-ah hian team panga an inlan a, an inkhel kual hnuah a sang pahnihin final an khel dawn. Inelna hi men's singles, men's doubles, women's singles, mixed doubles, boys under 16 leh 35+ doubles hmanga neih niin, rubber (match) tina an game lak belhkhawmin chak zawk hi siam a ni.