Club tin dinhmun Semifinal luh inchuh & relegation battle

Aizawl FC : Aizawl FC-in pakhatna dinhmun an nemnghet tawh.

Mizoram Police : Mizoram Police pahnihnaah an awm chiang tawh.

Chhinga Veng : Chhinga Vengin semifinal an lut tawh a, round 14-a Electric Vengin hnehna an chan zawh loh chuan pathumnaah an awm dawn. EFC hian hnehna an chang a nih chuan Chhingcows hi palinaah an awm ang.

Electric Veng : Electric Veng tan palina nia semifinal lut turin FC Venghnuai lakah point khat hlawh chhuah a tawk a, pathumna ni turin chak a ngai thung.

Chanmari FC : Chanmari FC tan semifinal lut turin Ramhlun North an hneh ngei ngei a ṭul a, Electric Veng an chak loh a ngai bawk - midang kutah an innghat tawh tihna a ni.

Chawnpui FC : Chawnpui FC tan relegate leh relegation playoff pumpelh turin Mizoram Police lakah point thum hlawh chhuah a ṭul a; chutih rualin chak lo chung pawhin FC Venghnuai leh Ramhlun North an chak loh chuan parukna ni chungin season an khar thei ang.

FC Venghnuai : FC Venghnuai inlan hmain an elpui Ramhlun North leh Chawnpui FC te an inkhel dawn a, MPL kaithar tan relegate pumpelh turin point khat a tawk. Relegation playoff pumpelh tur chuan head to head-a an tluk loh

Chawnpui FC aia point hmuh tam a ngai thung.

Ramhlun North : Ramhlun North tan inhumhim turin Chanmari FC an hneh a ṭul a, chumi hnuah chuan inkhel dang result-in an hmalam hun a hril ang.

Table hnuai lam pathum hi point 12 hmu vek thei dinhmunah an ding a, hei hi a thleng a nih chuan an pathum inkhelh kualna en turin Ramhlun North dinhmun a ṭhat ber avangin an him dawn. FC Venghnuaiin relegation playoff an khel ang a, Chawnpui FC an relegate ang.