MPL khel tur zawnna Kanan FC Vs FC Bethlehem

Vawiin chhun dar 12:00 hian Kanan FC leh FC Bethlehem ten MPL khel tur Lammualah an zawng dawn. MPL qualifier first leg-ah goal a luh loh avangin second leg-ah hian an inhnehtawk nawn a nih chuan penalty hmanga chak zawk zawn tur a ni.

Aizawl DFA hnuaia first division club inelnaah Kanan FC leh FC Bethlehem te hi league round-ah 2-2 in an inhnehtawk. Semifinal-ah erawh Chawnthansanga enkawl Kanan FC hi 2-1 in an chak a, an champion zui bawk.

Tun ṭumah hian dinhmun ṭha zawk an awm lo a, vawiin inkhela che ṭha zawkin season tharah MPL an khel ang. A vanduai zawkin Mizoram league sang ber khel turin MPL8-a pasarihna nen playoff an khel ang. Zonet chuan MPL Qualifier leh MPL match pathum an live vek dawn.