PBL player manto ber Sindhu

Thawhlehni khan Premier Badminton League season 5 atana player lilamna neih a ni a, world champion PV Sindhu chu a khelh mekna Hyderabad Hunters chuan nuai 77-in an nei nawn - Indian shuttler hi player manto ber a ni.

Sindhu man zat tho hian world number 1 Tai Tzu Ying chu champion lai Bengaluru Raptors chuan nuai 77-in an lalut ve bawk. Inelna hi nakkum January 20 aṭanga February 9 chhunga khelh tur a ni ang.

•    Team pasarih an awm

•    Inelna hi hmun paliah khelh tur a ni (Hyderabad, Lucknow, Bengaluru, Chennai)

•    Player tel zawng zawng chu 154 an ni

•    Indian player 74 an tel

•    Ram dang player tel zat chu 80

•    Team tinin player lei nan vaibelchhe hnih zel an nei

•    Team pakhata player awm thei zat tlem ber chu pakua

•    Team pakhata player awm thei zat tam ber chu 11

•    Ram dang player paruk zel a neih theih

•    Hmeichhe player pathum tal neih zel a ngai