Match hmasa berah Srikanth a chak

Syed Modi Inter-national Badminton Tournament khelh laiah nimin khan Kidambi Srikanth chuan a match hmasa ber a khel a, Indian tlangval hian Vladimir Malkov hnehin second round a inhlangkai.

World number 1 hlui Srikanth hian minute 36 chhungin 21-12, 21-11 in hnehna a chang, Indian tlangval dang Parupalli Kashyap chu a khingpui tur French player Lucas Corvee a inlan loh avangin chak zawka puan a ni bawk.

Kumin Syed Modi International-ah hian hun tepter tawh takah player an inhnukdawk nual. Mipa singles lamah season hmasa finalist Ng Ka Long Angus (Hong Kong) leh seeded parukna Lu Guanzu (China) te an inlan dawn lo.

Hmeichhe singles lamah erawh Olympic champion Carolina Marin a inlan thei dawn, Spanish nula hi a khup hliam dam hlim a ni a, world champion hlui a nih bawk avangin mipui ngaihven hlawh bik zingah a tel ang.