Auckland-ah Serena leh Coco Gauff

Tennis season a zo a, player ten kum thara an inlanna tur tournament an thlang fel leh mek. Serene Williams leh Coco Gauff te chu Auckland Open-ah an inlan dawn.

Auckland Open hi Australian Open inbuatsaihna zinga pakhat a ni a, hard court tournament-ah hian US Open champion lai Bianca Andreescu a inlan dawn bawk avangin player an hrawl dawn hle. Kum 15 mi chauh la ni mah se Gauff hi season hmasa aṭang khan khawvel hriat khawpin a lar. Wimbledon khel thei naupang ber hian thla hmasa khan Linz Open-ah tennis a khelh hnua senior title hmasa ber a la a, season tharah nomawi dang a beisei ngam ang.