Chanmari vawi hnih an chak

Aijal Club Tennis Challegers League vawi hnihna khelh laiah Chanmari Slammers chuan match an khelh hmasak pahnihah hnehna an chang a, final lut thei turin kawng dik an zawh.

Thawhlehni inkhelah Chanmari Slammers hian Ngopa Warriors chu 30-20 in an hneh a, an match hmasa zawkah champion lai Zarkawt Xenons an hneh tawh bawk avangin bul an ṭan fuh takzet.

Champion tura rinkai K-12 Tennis Acedemy chuan Thawhlehni zan khan an match hmasa ber an khel a, inelna panga - men's singles, men's doubles, women's singles, mixed doubles, boys under 16 leh 35+ doubles-ah te chak vekin Bethlehem Vengthlang chu 36-8 in an sawp.

Nimin tlai khan K-12 leh Slammers te an inhmachhawn zui leh a, result kan hre hman lo. Vawiin hian league round khelh zui leh a ni dawn a, chhun dar 12:30-ah K-12 leh Zarkawt Xenons an inkhel ang - zanah Bethlehem VT leh Chanmari Slammers an inhmachhawn thung dawn a ni.