Enrique-a'n Moreno a dem

Spain manager ni tura lo kir Luis Enrique chuan a thlak tak Robert Moreno chu a tana rinawm tawk loah a puh a, a coaching team zingah a telh dawn lo. 

Enrique hian June khan a fanu damlohna avangin Spain coach hna a bansan a, August khan kum kua mi a fanu Xana chu cancer vanga a thih thu puan zui a ni. Barcelona boss hlui awm loh hlanin assistant coach Moreno hian Spain team a enkawl a, Enrique a rawn kir dawn tih a hriatin Euro 2020-a Spain kaihhruai a duh thu a pu hlui hi a hrilh. 

Enrique chuan, "Ka coaching staff zinga Moreno telh loh chhan chu keimah ka ni. Ka inah lokalin a duhna te a sawi a, mahse kei chuan a thil tum hi rinawm lohnaah ka ngai a ni. "Hetiang nungchang nei hi ka coaching staff zinga tel turin ka duh lo. Tum sang tak chu neih tur a ni ngei a, mahse tum luat a awm thei," tiin a sawi. Moreno hi Barcelona, Celta Vigo leh Roma-ah pawh Enrique-a assistant coach a lo ni tawh ṭhin.