I League-ah foreigner paruk

Aizawl FC-in Mohun Bagan an hmachhawn hunah Standly Rosario chhawr theih turin foreigner pahnih captain Alfred Kemah Jaryan leh defender Richard Kassaga te an awm. I League-ah foreigner paruk a neih theih a, vawi khatah panga zel luhtir theih a ni. 

AFC coach Standly chuan, "Foreigner pahnih hman theih tur ka nei a, club hruaituten pali dang hi min ngaihtuahsak an tum. Alfred leh Richard hian MPL an khelh avangin Mizo player-te nen pawh an inhrechiang a, kan team inngahna an ni ang," tiin a sawi.

Aizawl FC hian Malian striker Abdoulaye Kanoute leh Nigerian defender Eze Kingsley Obumneme te erawh Mizoram an la rawn thlen loh avangin chhawr theih an ni lo.