Chennaiyin an chelh

Indian Super League inkhelah Chennaiyin-in a zawna chak an beiseina chu a thamral a, an mikhual Odisha FC nen 2-2 in an inhnehtawk. 

Odisha tan Xisco Hernandez chuan minute 54-naah goal hmahruai a khung a, mahse Hyderabad laka chak hlim Chennaiyin tan Nerijus Valskis chuan goal hnihin a chhang let. 

South Indian club fan-ten chak tura an inbeisei vek tawh hnuah hun tawp nan minute riat chiah a awm tawh tihin Aridane Santana chuan Odisha tan si phurh a rawn sut ve leh a, team pahnih hi point an insem a ṭul phah. 

Odisha tan Jerry Mawihming-thanga-a'n goal khungna remchang nei mah se goal-ah a chantir thei lo a, hmahruaina goal Xisco-a khung chu a siamsak a ni bawk. Jamshedpur tan hian Daniel Lalhlimpuia chu minute 74-naah luhtir a ni a, Chennaiyin tan Lallianzuala Chhangtein bul ṭan mah se Jerry Lalrinzuala leh Laldinliana Renthlei ten bench lamah hun an hmang tluan thung.