January-ah McGregor lo kir dawn

Conor McGregor chu UFC octagon-ah a lo kir leh dawn a, January 18 khian Donald 'Cowboy' Cerrone chu Las Vegas khawpuiah a hmachhawn dawn. 

Irish fighter tan October 2018-a Khabib Nurmagomedov a ngam loh hnuah octagon chhung a luh leh hmasak ber tur a ni a, October khan UFC-a kir a tum thu hi a lo sawi tawh. 

Kum 31 mi McGregor hian April 2016 khan mixed martial arts a chawlhsan thu a lo puang tawh a, kumin March khan a vawi hnih nan a puang leh bawk - a hmasa ang thoin a lo kir leh thung. Vawi 25 MMA fight a hmachhawna vawi li tlawm tawh McGregor hmaa ding tur Cerrone hi kum 36 mi a ni a, MMA fight vawi 50 a neihah vawi 13 a tlawm tawh - September khan a match hnuhnung berah Justin Gaethje chu round khatnaah a ngam lo.