Valencia-in Torres chelh an duh

Spanish club Valencia boss Albert Celades chuan an rawlthar duhawm Ferran Torres chuan contract thar a ziah a beisei thu a sawi a, kum 19 mi winger hi chelh a tum. 

Real Madrid leh Liverpool-ten an duh nia sawi awm Torres hian kum 2021 thleng Valencia tana khel turin contract a nei a, a contract-ah hian euro maktaduai 100-a leichhuah theihna dan a awm. 

Celades chuan, "Ferran hian kan club-ah hun rei zawk a hman zel theih ka beisei. Kan club chhul chhuak a ni a, inremna kan neih thuai ka beisei a ni," a ti. 

Spain Under 21 international Torres hian tun season-ah Valencia tan match 26 khelin goal nga a khung tawh a, season hmasa khan match 37 ngawt a khelhsak tawh bawk.

Valencia hian zanin dar 1:30-ah Champions League last 16 match an khel dawn a, Italian club Atalanta chu khualmualah an lenchilh ang.